CYNGOR ECO
Mae Criw y Porth wedi cymryd cyfrioldeb am waith Eco ‘Sgolion Ysgol Aberporth bellach. Yn ogystal â disgyblion presennol yr ysgol mae aelodau o staff, rhieni a llywodraethwyr yn aelodau o’r gweithgor Eco ‘Sgolion.
Mae’r Cyngor Eco wedi gwneud Adolygiad Amgylcheddol yn yr ysgol ac wedi paratoi Cynllun Gweithredu ar gyfer y flwyddyn a diweddaru’r Eco Gôd.
Beth yw blaenoraethau’r Cyngor Eco?
- Lleihau sbwriel yn yr ysgol
- Lleihau gwastraff ac ailgylchu yn effeithiol
- Arbed Ynni
- Annog pawb yn yr ysgol i fwyta’n iach
- Cynyddu’r nifer o blant sy’n cerdded neu feicio i’r ysgol
- Datblygu’r ardd
Beth yw’r Eco Gôd?
Mae pawb yn Ysgol Aberporth wedi ymrwymo i gadw at yr Eco Gôd. Mae copi or Côd wedi’i arddangos o amgylch yr ysgol ac ym mhob dosbarth. Mae’r Côd yn ein hatgoffa ni sut i ymddwyn yn gyfrifol a gofalu am yr amgylchedd.
Cyfarfodydd
Mae Criw y Porth yn cwrdd o leiaf unwaith pob hanner tymor ond mae na gyfnodau pan mae’r Cyngor yn cwrdd yn wythnosol i drefnu gweithgareddau penodol. Mae’r Sgwad Sbwriel a’r sgwad Ynni yn mynd o gwmpas yr ysgol yn wythnosol.
Mae gan yr ysgol ‘Gwobr Eco-sgolion Platinwm’ am waith ac ymrwymiad i brosiectau amgylcheddol ac eco. Mae Ysgol Aberporth yn un o’r ychydig ysgolion yng Nghymru i dderbyn y wobr Platinwm am yr ail dro! Arbennig!
